ស្លាប់៣នាក់និងរបួសស្រាលម្នាក់ ក្នុងករណីគ្រោះថ្នាក់ចរាចរណ៍រថយន្តបុកម៉ូតូនិងកង់នៅស្រុកជើងព្រៃ
24-August-2018 | ដោយ ពលមនសិការ
កំពង់ចាម៖ មនុស្សប្រុស-ស្រី៣នាក់ បានស្លាប់ភ្លាមៗនៅហ្នឹងកន្លែងកើតហេតុនិងមនុស្សម្នាក់ទៀតរងរបួសស្រាល ក្នុងករណីគ្រោះថ្នាក់ចរាចរណ៍រវាងរថយន្តបុកជាមួយម៉ូតូនិងបន្តទៅបុកកង់មួយគ្រឿងទៀត។ ហេតុការណ៍គ្រោះថ្នាក់ខាងលើបានកើតឡើងកាលពីថ្ងៃទី២៣ ខែសីហា ឆ្នាំ២០១៨ វេលាម៉ោង២០និង២០នាទី នៅលើផ្លូវជាតិលេខ៦ ចន្លោះគីឡូម៉ែត្រលេខ៧៩-៨០ ភូមិសង្កែ ឃុំស្តើងជ័យជើង ព្រៃខេត្តកំពងចាម។
មន្ត្រីនគរបាលចរាចរខេត្តកំពង់ចាមបានឲ្យដឹងថាមុនពេលកើតហេតុមានរថយន្តមួយគ្រឿងម៉ាកកាមរីបាឡែន ពាក់ស្លាកលេខ ភ្នំពេញ 2Q-8620 អ្នកបើកបរមិនស្គាល់(រត់គេចខ្លួនបាត់)បើកពីជើងទៅត្បូងប៉ះទង្គិចជាមួយម៉ូតូម៉ាក C125គ្មានស្លាកលេខ បើកបរដោយឈ្មោះ សូត ស្រីនិច ភេទស្រី អាយុ១៧ឆ្នាំ រស់នៅភូមិសង្កែ ឃុំស្តើងជ័យ ស្រុកជើងព្រៃខេត្តកំពង់ចាម និងបន្តទៅបុកកង់ជិះពីមុខម៉ូតូឈ្មោះសូត សុខខេក ភេទប្រុស អាយុ១២ឆ្នាំ រស់នៅភូមិ/ឃុំជាមួយគ្នាបើកស្របទិសពីជើងទៅត្បូង។
មន្ត្រីដដែលបន្តថាមូលហេតុ រថយន្តប្រើប្រាស់ល្បឿនលឿលបណ្តាលឲ្យទៅបុកម៉ូតូនិងកង់បើកស្របទិសពីក្រោយតែម្តង។ ក្រោយកើតហេតុវត្ថុតាងបានយរកមករក្សាទុកនៅអធិការដ្ឋាននគរបាលស្រុកជើងព្រៃ ហើយជំនាញកំពុងបន្តនីតិវិធីស្រាវជ្រាវ និងតាមចាប់មុខសញ្ញាបង្កគ្រោះថ្នាក់ ៕
ចំនួនអ្នកទស្សនា
- ថ្ងៃនេះ4261
- ម្សិលមិញ16391
- សប្តាហ៍នេះ50491
- ខែនេះ165641
- ឆ្នាំនេះ165641
- សរុប20608097